Aktori i humorit Albano Bogdo është larguar nga Ferma Vip duke lënë kështu garën për çmimin e madh vetëm pak ditë para finales.
Debati mes tij dhe Robert Aliajt ka qenë arsyeja pse ai mori vendimin për t’u larguar.
Albano kundërshtoi urdhrin e Robertit për të shkuar tek shtëpia e fakirit.
“Unë ua thashë nuk shkoj tek fakiri, edhe 160 zarfe të sjellin. Nuk shkoj edhe tek stalla sa të jetë ai kryefermer. Kryefermeri sugjeron dhe ndan detyrat, nuk urdhëron. Kush kryefermer ka urdhëruar më parë. Ti e di çfarë je, por për respekt të ekranit nuk ta them çfarë je”, i tha Albano, Robertit, teksa kundërshtoi zarfin që erdhi nga Agai.