Pak kohë nga incidenti në Suedi, dy protestues dogjën sot një kopje të Kuranit përpara ambasadës së Irakut në Kopenhagën, Danimarkë.
Grupi që e quan veten “Patriotët danezë” gjithashtu mbajti një demonstratë të ngjashme javën e kaluar.
Ministri i Jashtëm danez, Lars Lokke Rasmussen e dënoi atë si një akt “të çmendur” nga disa individë, duke i thënë transmetuesit kombëtar DR: “Është një akt i turpshëm të ofendosh fenë e të tjerëve. Kjo vlen për djegien e Kuranit dhe simboleve të tjera fetare. Nuk ka asnjë qëllim tjetër veçse të provokojë dhe të krijojë përçarje”.