Ditën e sotme një çift nga Shkodra ka arritur të fitojë betejën e vështirë me COVID-19.
Shefja e Infektivit Najada Çomo ka dhënë lajmin e mirë për çiftin Kraja të cilët i kanë bërë një dedikim shumë prekës.
“Dy shkodranë të fisëm fituan betejën me Covid, betejë shumë e vështirë, ky falënderim vlen shumë për gjithë stafin e shërbimit infektiv. Mirënjohje çifti Kraja për këtë dedikim të ndjerë”, ka shkruar Çomo krahas fotos.
Shkodranët i janë drejtuar me një letër personelit mjekësor që u kujdesën për ta në QSUT duke falënderuar punën e tyre të palodhur. Ata janë shprehur shumë mirënjohës ndaj tyre duke i falënderuar familjarisht ata bashkë me fëmijët, nipërit e mbesat e tyre, sepse bënë të mundur që të riktheheshin shëndoshë e mirë në shtëpi.
