Tre muaj pas ndarjes nga e dashura franceze Maria, Anthony, djali i Pirro Çakos dhe Inva Mulës ka nisur histori të re me Alicen, një vajzë italiane.
Vetë Anthony i ka prezantuar miqtë me të dashurën e re, duke postuar një album fotosh intime në “Instagramin” e tij, të shoqëruar me deklaratën: “Ajo është speciale”.
Nuk dihen ende shumë detaje për vajzën që i ka rrëmbyer zemrën, por mendohet ta ketë njohur në Paris, pasi edhe ajo është e përfshirë në botën e artit. Njësoj si ish-e dashura edhe Alice, bie në sy për stilin fin dhe botën e saj të veçantë, duke bërë pjesë kështu në stereotipin e vajzave që tërheqin Anthonyn.
Vetë Alice ende nuk ka postuar foto me të dashurin aktual, pasi me sa duket i pëlqen të jetë me diskrete.
Ishte janari i vitit 2017-të kur Anthony Çako, prezantoi për herë të parë të dashurën franceze, një bionde misterioze e shumë interesante. Mes fotosh ai shkruante: ‘Unë dhe e dashura ime’, duke e konsideruar veten të lidhur në “Instagram”-in e tij, ku bie në sy për postimet bardhezi, ku ekspozonte fizikun plot tatuazhe.
E verën e atij viti, Anthony tashmë që i ka kaluar të 25-at, e solli partneren për pushime në Shqipëri, ku u prezantoi me familjen e nënës, Inva, dhe babait, Pirro, tashmë të divorcuar. Anthony ra në sy me prezencën e tij në plazhin e Dhërmiut, pasi shfaqej i burrëruar, gjithë muskuj e tatuazhe.
Tashmë, vendin e saj e ka zënë Alice, e cila nuk dihet nëse është muzikante, pasi në postimet e saj ka dhe foto ku shihet tek luan në kitarë këngën ku rrëfeu historinë personale, si shpëtoi gjallë pas ndodhisë tragjike, ndërkohë para dy vitesh bëri edhe një rrëfim dramatik për jetën e tij, pasi për pak i kishte shpëtuar vdekjes, histori personale që vendosi ta përjetësojë në këngën e tij të parë me titull “Alive” (Gjallë).
