Kryeministri Albin Kurti ka deklaruar pasurinë e tij për vitin 2021 në Agjencinë Kundër Korrupsionit.
Si pasuri të paluajtshme, Kurti ka deklaruar apartamentin 400 mijë eurosh të bashkëshortes.
Kreu i Qeverisë së Kosovës ka deklaruar se ka para të gatshme në bankeë në vlerë prej rreth 400 euro, ndërsa bashkëshortja e tij ka të para kursyera 23 mijë euro.
Por, bashkëshortja e tij ka dhe borxhe. Ajo ka marrë një kredi në vlerë 290 mijë euro, që e ka në kohëzgjatje prej 25 vitesh, e që ka thënë se e ka marrë për blerjen e apartmentit.
Ndërkohë, Kurti ka deklaruar qiranë e shtëpisë në vlerë 250 euro, për tri vite.
“Banoj ne shtepi me qira, sipas kontrates te lidhur me qiradhenesin B.Z., ne afat prej 3 vitesh me mundesi vazhdimi edhe per nje afat shtese prej 3 vite me kushte te njejta siç jane parashikuar ne kontrate. Qiraja eshte ne shume prej 250 euro në muaj”, ka qenë sqarimi i Kurtit për këtë shtëpi.
Kurti ka deklaruar si të hyra vjetore 12 mijë e 903 euro, derisa bashkëshortja e tij ka të hyra vjetore 39 mijë e 200 euro.