Koordinatori i Bindjes Demokratike, Astrit Patozi, ka bërë një deklaratë të fortë për marrëveshjet e bëra mes Partisë Demokratike dhe asaj Socialiste.
Patozi tha se dy partitë më të mëdha i kanë bërë marrëveshjet me qëllim që të asgjësojnë LSI-në, por pretendon se kjo e fundit ka mbijetuar për shkak të krizës politike.
“LSI-ja ka qenë në një farë mënyrë targeti i marrëveshjeve edhe në 2008 edhe në 2017. Target nga të dy palët.
Ndryshimet kushtetuese kishin parasysh asgjësimin e LSI-së, por mesa duket kjo periudhë i ka shërbyer për të përfituar, ndaj dhe Kryemadhi është përshtatur me statukuonë dhe është ulur krah Bashës”, theksoi ai, duke folur për Report TV.
Patozi tha më tej se në tryezën e Reformës Zgjedhore nuk shikon asgjë dhe pretendon se nuk do ketë sukses.