Ndonëse protestat në Francë kanë agravuar dhe demonstruesit po dëmtojnë Parisin dhe qytete të tjera, presidenti Emmanuel Macron ka sfiduar protestuesit, duke mos hequr dorë nga reforma e tij në pensione.
“Kjo reformë nuk është një luks, as kënaqësi, por një nevojë. Në momentin që ne po flasim, ju mendoni se mua më pëlqen ta bëjë këtë reformë. Përgjigjja është jo. A mundesha që ta fshihja pluhurin poshtë tapetit, ashtu si shumë përpara meje, përgjigjja është po”, tha ai.
Shefi i Elizesë synon që deri në fund të këtij viti, mosha e daljes në pension të jetë 64 vjeç dhe jo 62, siç është aktualisht.