Duke analizuar situatën aktuale në PD, ku grupi i Enkelejd Alibeajt pranoi të hyjë në bisedime me PD-në për të dalë me një kandidat të përbashkët për zgjedhjet vendore, Fatos Lubonja ka treguar cila është sipas tij arsyeja e marrjes së këtij vendimi nga ana e grupi të Alibeajt.
Sipas analistit, Alibeaj e ndjen se nxjerrja e kandidatëve të vet është vetëvrasëse, duke u detyruar të hyjë në negociata me Sali Berishën.
“Gjithçka do rezultojë nga takimet mes palëve brenda PD, është qasje pozitive të mos vendosen kushte, por është e vështirë të ketë kompromis pa kushte. Në mos kushte duhen lëshime që të arrihet kompromisi. Një kusht mund të jetë pranimi i të gjithëve përveç Bashës, ose bashkimi pa Berishën, këto mund të jenë kushte. Këto kushte duhen evituar, por jo duke e përçarë. Tensioni mes tyre është i ndërtuar nga këto përjashtime. Këto duhen evituar në të mirë të një interesi të përbashkët të opozitës. Alibeaj e ndjen se nxjerrja e kandidatëve të vet është vetëvrasëse. Do marrë rolin që të fitojë Rama në fund, por shumica nuk është dakord. Të dyja palët duhet të heqin dorë nga disa kushte dhe gjuha e përjashtimit e ofendimit që është përdorur shpesh mes palëve. Një nga mbështetjet e këtij grupimi që përfaqëson Alibeaj është edhe ambasadat, por nëse këto bëhen me regji nuk është mire”, u shpreh ai.