Parlamenti i Shqipërisë do të diskutojë këtë të enjte (nesër) rreth rezolutës së Kosovës dhe pritet që dita të jetë e ngarkuar me debate.
Demokratët kanë kërkuar prezencën e kryeministrit Edi Rama, por mbetet për t’u parë nëse kreu i qeverisë do të jetë prezent. Thuhet se Rama do të fluturojë të enjten drejt Britanisë së Madhe.
Pritet që kryeministri të ketë një takim me homologun e tij britanik, Rishi Sunak me të cilin do të diskutohet ndër të tjera për emigrantët shqiptarë në Britani.
Nesër në Parlament pritet të diskutohet 5 orë për rezolutën e Kosovës, por të pritshme janë gjithashtu edhe debatet mes vetë demokratëve pas përjashtimit të disa prej tyre nga Grupi Parlamentar.