Partia Demokratike ka akuzuar Korporatën Elektro- Energjetike Shqiptare se ka shpenzuar 15 milionë Euro më shumë sesa vlera reale e blerjes së energjisë në bursë për një periudhë 6-ditore.
“Korporata Elektro-Energjetike shqiptare, e kthyer në ‘KESH-in e partisë’, ka shpenzuar të shtunën 20 milionë Euro për blerje energjie. KESH ka shpenzuar 473.76 Euro/MWH. Çmimi në bursë ka qenë 110 Euro për MWH. Bëhet fjalë për vetëm një javë, periudhën 11-17 Korrik. Janë shpenzuar 15 milionë Euro më shumë se vlera reale e blerjes”, thonë nga PD.
Duke e cilësuar një skandal me paratë e shqiptarëve, demokratët i kërkojnë SPAK-ut të nisë hetimet për zbardhjen e abuzimeve në sektorin e energjetikës, që nga tenderat sekretë deri te financat e operatorëve të fushës.
Në një tjetër dalje nga selia blu, anëtari i Këshillit Kombëtar, Dorian Teliti kërkoi nga qeveria që të mbështesë përmes një pakete kategorinë e penionistëve dhe familjeve më të ardhura të ulta mujore.
Sipas demokratëve për daljen nga kriza nevojitet subvencionim i sektorëve në rrezik të ekonomisë, si ulja e taksave të rritura.