Deputeti i PD, Enkelejd Alibeja i është përgjigjur Zëdhënëses së KE, Maja Koçijançiç, e cila tha se djegia e mandateve është kundër integrimit në BE.
I ftuar në studion e lajmeve të Ora Neës, Alibeaj i kujtoi Koçijançiç ku ishte BE në 2014 kur u kanabizia vendi. Alibeaj tha se: “Jemi konsultuar me ndërkombëtarët, por mbi të gjitha ne jemi konsultuar me shqiptarët. Kjo opozitë është konsultuar me ndërkombëtarët në 2014 për dekriminalizimin. Ishte i vetmi akt që na dolën në krah. Faleminderit ndërkombëtarëve”.
I pyetur rreth deklaratës të zëdhënëses së KE, Maja Koçijançiç, e cila thotë se ky vendim për të djegur mandatet është kundër produktiv dhe kundër përpjekjeve të vendit për të zbatuar reformat e kërkuara nga BE, Alibeaj u përgjigj me një pyetje tjetër: Ku ishte zonja kur u kanabizua vendit, zonja dhe zotrinjtë e tjerë?.
Pyetjes tjetër se kanabizimi i Shqipërisë nuk nisi me PS. Lazarati është simboli më i qartë i kanabizimit të Shqipërisë. Alibeaj tha: “Të gjitha raportet e BE, ato të cilat filluan nga 2015, zëdhënese e së cilës është zonja, treguan që nga një Lazarat, po ishte problem, për një nga arsyet që ne në 2013 ramë nga qeverisja, me të drejtë, me një proces elektral të pranuar sic në vendet e BE ndodh, ai Lazarati i vogël u bë gjithë Shqipëria. Ku ishte zonja në 2016 kur gjysma e grupit parlamentar në zgjedhjet në Dibër rezultuan të përgjuar? Ku ishte zonja në 2017 kur me aktet e Prokurorisë del nga koka deri në fund?”.