Me pjesëmarrje të ulët është protesta që po mban PD kundër mbylljes së TikTok-ut. Një protestë që sipas PD po mbahet nga të rinjtë, por që kanë depërtuan ilegalisht edhe të vjetër.
Një mes tyre ishte edhe aktori i njohur Mehdi Malkaj. Teksa u ngjit në podiumin e improvizuar para Kryeministrisë, ai i bëri thirrje qytetarëve që të protestonin e të mos ishin dele, siç bënin qytetarët në Greqi dhe Serbi për ngjarjet e rënda të ndodhura atje.
“Nuk jam i dhunshëm por nuk duroj dot. TikTok-u ta heqim Tik-un e të lëmë Tok-un , të jemi Tok bashkë? Është më mirë kështu. Ky nuk ka inat me TikTok-un, por ky që i rëntë damllaja, ka inat pse kemi ne TikTok sepse nuk e administron ai sepse është Ay që një ditë do të na heqë edhe ajrin”.
Kreu i grupit parlamentar të PD, Gazment Bardhi tha se Rama do të bëjë gjithçka që që të mbyllë sa më shumë hapësira lirie ku qytetarët dhe opozitarët të mos kenë mundësi të shprehen.
”Është një protestë e thirrur nga të rinjtë dhe ka mbështetjen e partisë dhe të kryetarit. Akti i mbylljes ka të bëjë me një tentativë për të vendosur censurë, ndaj duhet të protestohet. Ne jemi në mbështetje të cdo të riu që lirinë e fjalës e ka marrë dhe nuk mund të censurohet”.