Po mbahet protesta e thirrur nga PD para Kryeministrisë kundër vendimit të qeverisë për të mbyllur rrjetin social TikTok. “Në mbrojtje të fjalës së lirë”, është motoja e protestës së rinisë.
Me pankarta në duar kundër asaj që të rinjtë e opozitës e cilësojnë një akt censure, protestuesit po marshojnë nga sheshin Skënderbej për t’u vendosur para kryeministrisë.
Qeveria vendosi të mbyllë rrjetin social, ndaj të cilit edhe shumë vende të tjera në botë kanë vendosur masa, pas vrasjes së të riut Martin Cani nga një bashkëmoshatar ndërkohë që për këtë çështje u zhvillua dhe një konsultë me prindër dhe mësues.