Grupi Parlamentar i Partisë Demokratike (asaj zyrtare) do të votojë pro projektligjit për rritjen e pagave. Këtë e bëri të ditur, kreu i ri i këtij grupi Gazment Bardhi në seancën e sotme plenare. Kurse nga jashtë sallës së Kuvendit, Sali Berisha tha se grupi i tij do të votojë kundër, edhe pse theksoi se ata nuk janë kundër rritjes së rrogës.
“Pasi mashtroi shqiptarët duke paraqitur rrogën e presidentit, të admiralit dhe të të razartit të gjitha këto nga 2.2 në 4.6 mln rritje, soli në Parlament një ligj në të cilin ata që janë në nevojë, përfitojnë një rritje 1.5 ose 1%.
Një akt i tillë është jashtë çdo imagjinate. Kam qenë për rritjen e rrogave, por sot kjo është farzë, ky akt në të cilin rriten dyfishohen rrogat e zyrtarëve më të lartë dhe zbresin me 1%. Dje kam insistuar që ky proces të fillojë me vendosjen e minimumit jetik prej 200 eurosh. Minimumi jetik zbut edhe varfërinë. Ishte një masë plotësisht e mundshme. Ne nuk e votojmë! S’jemi kundër rritjes së rrogave, por jemi kundër mashtrimit”,-tha Sali Berisha.