Sindikata e Punonjësve të Universiteteve të Shqipërisë (SPUSH) ka dërguar një peticion me disa kërkesa për kryeministrin Edi Rama, ministren së Arsimit, Evis Kushi dhe Rektorët e Universiteteve Publike.
Në kërkesën e tyre dërguar me shkrim, SPUSH ka renditur problematikat kryesore që po shkaktojnë tension dhe kërkojnë menjëherë zgjidhje nga qeveria në mënyrë që të stabilizohet situata në Universitete. Ndër të tera, sindikata kërkon rritjen e pagave për pedagogët, rritjen e financimit për kërkimin shkencor, rritjen e shtesave mbi pagë për “Dëmshmëri shëndeti në punë, rritjen e pagesës së orëve të ngarkesës suplementare. SPUSH thekson se këto janë vetëm një pjesë e problemeve që kanë universitete në vend, ndërsa kërkon reflektim nga ana e institucioneve përgjegjëse.
Nëse kërkesat nuk plotësohen, sindikata paralajmëron ndërprerjen e mësimit në tetor.