E cilësuar si një protestë kombëtare, por e pakët në numër, pedagogët janë bërë bashkë këtë të enjte në Universitetin Politeknik. Një pedagog i Universitetit të Arteve, tha se gjysma e rrogës së tij shkon për literatura dhe për mësime jashtë orarit. Ai shtoi se rrogat nuk i meritojnë ministrat që janë me diploma plagjaturë dhe jo pedagogët.
“Kërkimet shkencore dhe financimet e tyre duhet që të jenë prioritet për qeverinë shqiptare, sepse rrit nivelin e arsimit. Dje dhe sot nuk është bërë asnjë nga Ministria e Arsimit për premtimet e dhëna ndaj studentëve dhe pedagogëve.
Rama, ju keni deklaruar se ne nuk e meritojmë rritjen e rrogës. Unë gjysmën e rrogës e shpenzoj për literaturat. Unë punoj ekstra me studentët. Më thoni ju çfarë duhet të bëj më shumë për rritjen e rrogës. Ndoshta ju e keni për ministrat tuaj me diploma plagjaturë që thoni se nuk i meritoni rritjen e rrogës”.