Pedro Pascal, i cili së fundmi luajti në Gladiator 2, u pa duke dalë nga darka me Jennifer Aniston, duke ndezur thashethemet për një romancë të mundshme. Sipas Daily Mail, dy aktorët darkuan në The Tower Bar në hotelin Sunset Tower në West Hollywood për më shumë se tre orë.
Edhe pse ata mbërritën dhe u larguan veçmas, ata u panë nga paparacët duke biseduar jashtë parkingut para se të niseshin.
Pedro Pascal e mban jetën e tij larg vëmendjes se mediave dhe nuk ka asnjë informacion për marrëdhëniet e tij romantike. Jennifer Aniston, pas divorcit nga Justin Theroux në vitin 2017, nuk ka konfirmuar publikisht ndonjë lidhje të re. Në intervista ajo i është referuar vështirësive që has në marrëdhëniet e saj personale, duke vënë në pah dëshirën e saj për një marrëdhënie mbështetëse.
Paraqitja e tyre e përbashkët, megjithatë, shkaktoi emocione në internet. Edhe pse shumë menduan se ishte një takim biznesi, shumë përdorues të rrjeteve sociale shprehën shpresën se ishte një marrëdhënie e re.