Athina u bllokua për disa orë pas një proteste të qindra pensionistëve të mbledhur në sheshin para parlamentit.
Më pas ata janë drejtuar nga Kryeministria duke hedhur parulla e duke mbajtur pankarta. Në kërkesat kryesore të tyre veçohet rritja e të gjitha pensioneve, pensioni më i ulët të jetë 650 euro nga 384 që është sot, rikthimi i disa taksave të mbajtura padrejtësisht, etj.
Përfaqësues të shoqatave të pensionistëve që kanë folur me ministrin e Shtetit kanë mundur të sigurojnë pas 3.5 vitesh një takim me kryeministrin Mitsotakis në datën 14 tetor.