Pensionistët gjatë gjithë kohës kanë qenë të pakënaqur me pensionin e tyre, megjithë rritjet e herpashershme të pensioneve duket se mosha e tretë nuk ia del dot të plotësojë kërkesat për një jetesë normale.
Këtë herë ata kanë dalë me një tjetër kërkesë konkrete duan të udhëtojnë pa pagesë në transportin publik.
Kreu i Shoqatës së Integrimit të Pensionistëve thotë se pensionistët jejtojnë me shumë pak të ardhura, të vetmuar dhe të harruar.
“Po t’i shikosh pensionistët ulen vetëm nëpër kafe se nuk paguajnë dot kafe për një bashkëmoshatar të tyre”, shprehet kreu i shoqatës, Osman Terziu.
Në emër të afro 700 mijë pensionistëve, Terziu kërkon rritje të pensioneve, pasi siç dhe tregon, u mbeten shumë pak për ushqim. Pensionistët i kërkojnë qeverisë të paktën udhëtimin t’ua mundësojë falas.