Kryetari i njësisë administrative Gjocaj në Peqin Bilal Hasa është konfliktuar me disa persona në ambientet e jashtme të selisë së Partisë Socialiste në Peqin, aty ku sot u zhvilluan edhe zgjedhjet për kreu e ri të PS në këtë qark. Shkaqet e këtij konflikti nuk dihen ende, ndërsa burime bëjnë me dije se ai ka nisur për shkak të procesit zgjedhor për kryesimin e PS në Peqin, ku u zgjodh Madrid Sula, e cila ka hasur në kundërshtimin e Hasës.
I pranishëm ka qenë edhe vetë kreu i grupit parlamentar të PS Taulant Balla, ndërsa mësohet se konflikti ka nisur pikërisht pas ikjes së tij. Hasa është qëlluar me sende të forta dhe shqelma nga persona të cilët dyshoheshin se njiheshin mes tyre.Hasa ka refuzuar fillmisht të dëshmojë për policinë por pas bërjes publik të rastit ai tashmë po jep dëshmi për blutë, ku dhe po merr ndihmën e parë mjekësore. Policia po vijon për hetimet për zbardhjen e shkakut të konfliktit, si dhe kapjen e autorëve.