Arbër Hajdari vijon të jetë në qendër të vëmendjes edhe pas përfundimit të “Big Brother VIP Albania”.
Së fundmi, ai ka qenë i ftuar në programin e njohur “Në Kurthin e Piter Panit”, ku foli për jetën e tij personale si dhe u ndal dhe te eksperienca e tij në BBV.
Mirëpo, gjatë programit ai u pyet se për kë bënte tifo në Big Brother VIP, pra kush ishte i/e preferuari/a e tij.
Pyetja: Për kë bëje tifo në Big Brother?
“Më është bërë disa herë kjo pyetje dhe e kam thënë, besoj se jam i sinqertë këtu. Nuk kam pasur ndonjë të preferuar…” – theksoi Arbri.
Sa i takon karrierës së tij, Arbri ka thënë më herët gjatë një interviste se nuk e ka menduar ndonjëherë t’i futet politikës.
“Nuk kam menduar për shkak se mendoj që nuk ka vend për njerëz si unë, apo që pretendoj të hyj tek ajo kategori e njerëzve, që politika shqiptare nuk ka vend për to. Nuk ka vend për shkak se sistemi i cili kanë krijuar nuk të jep një lloj hapësire që ti nëpërmjet asaj që duan njerëzit t’i përfaqësosh. Pjesë e kësaj politike nuk do të bëhem kurrë”, ka thënë ai.