Kur vajza e Khloe Kardashian mbushi 1 vjeç më 12 prill të gjithë ishim sy e vesh se çfarë feste do të organizonte familja më e famshme në botë dhe nëse do ishte i ftuar babai i saj, Tristan Thompson.
Ditën e dielë familja ka organizuar një festë për vogëlushen True dhe nuk ka munguar as Tristan, kjo shënonte në këtë mënyrë edhe përballjen e parë mes Khloe dhe basketbollistit pas skandalit tjetër të tradhtisë me shoqen e ngushtë të motrës së saj, Kylie.
Sipas burimeve Khloe dhe Tristan qëndronin larg njëri-tjetrit dhe vetëm në disa raste ishin afër për hir të vajzës. Mesa duket Khloe i ka dhënë fund përgjithmonë dhe nuk ka ndërmend që ta falë tradhtinë e tij. Khloe dhe True ishin veshur njësoj me fustanin mëndafsh ngjyrë blu. Vlen të rikutjojmë se në shkurt u zbulua skandali i tradhtisë ë Tristan me Jordyn Woods, kjo e fundit shoqja e ngushtë e motrës së Khloe Kardashian, Kylie Jenner. Ky ishte skandali i tretë i tradhtisë, pasi një vit më parë Tristan u kap mat me tri femra të tjera në momente intime.
