Derbi i Madonninës Milan-Inter është një nga përballjet më emocionuese, më rivalizuese dhe më epike në ftubollin botëror. Ajo nuk është kurrë një ndeshje e zakonshme, por mbart në vetëvete një rivalitet të pashtershëm. Madje, këtë fund sezoni sfida mes kuqezinjve dhe zikaltërve bëhet edhe më e bukur pasi të dyja diskutojnë së bashku fatet e sezonit, konkurrojnë për titull por edhe kush do të sigurojë një biletë për në finalen e Kupës së Italisë.
Theksojmë se jashtë kampionatit italian, dy skuadrat janë ndeshur plot 31 herë mes tyre, ku Milan numëron 13 fitore, Inter 8, ndërsa 10 ndeshje janë mbyllur në barazim.
“Nuk mendoj se ndeshja e së martës do të ndikojë në garën për titull në Serie A. Do të bëjmë maksimumin për të shkuar në finale, po kjo është një ndeshje ndryshe. Në kampionat ne jemi të bindur se mund ti fitojmë të gjithë ndeshjet deri në fund”, u shpreh tranjeri i Milanit, Stefano Pioli në konferencë për mediat.
Gjithashtu ai komentoi shkurtimisht edhe zërat që flasin për një shitje të mundshme të klubit:
“Nuk e kemi diskutuar fare, pasi nuk dëshirojmë të shpërqendrohemi nga objektivat sezonal. Kemi një klub solid dhe një shoqëri që na qëndron pranë. E ardhmja mund të jetë edhe më e mirë”, deklaroi Pioli.