Shumë qytetarë janë mbledhur ditën e sotme në sheshin “Nënë Tereza”, në një protestë-marshim, kundër abuzimit seksual me të të miturit. Pjesë e protestës është edhe avokatja e popullit, Erinda Ballanca. Kjo e fundit është shprehur se ky është një rast flagrant, i dështimit të strukturave shtetërore. Më tej ajo ka shtuar, se në Shqipëri për këto raste ka heshtje dhe kulturë të mostrajtimit, duke i konsideruar çështje që duhen zgjidhur brenda shtëpive.
“Jam në të dyja cilësitë, si nënë dhe si avokate e popullit. Ky rast është flagrant, në të cilin dështimi i strukturave shtetërore ka bërë që të ndodhë kjo. Ky mentalitet duhet të ndryshojë, i trajton femrat si objekte seksuale, viktimizohen personat e dhunuar, duhet ti themi jo kësaj qasje negative ndaj të drejtave të lirive Ka një heshtje dhe kulturë të mostrajtimit, duke i konsideruar si cështje që duhen zgjidhur brenda shtëpive”, tha Erinda Ballanca.
Protestuesit do të kërkojnë firmat e mjaftueshme, për të vendosur për kastrimin kimik të pedofilëve.