Kryetari i Këshillit të Ministrave të Bosnje e Hercegovinës, Zoran Tageltija ka treguar arsyet se përse në vendin e tij nuk e pranojnë Ballkanin e Hapur.
Në samitin e Ohrit, , Zoran Tageltija ishte i pranishëm si vëzhgues, por theksoi se ka disa faktorë që sipas tij nuk e pranojnë këtë nismë
Tageltija sqaroi se në Bosnje ka ndikime politike, por edhe diplomatike, duke sqaruar se ka dyshim kush e ka propozuar këtë nismë dhe kush përfiton nga kjo.
Ndërsa personalisht, ai u shpreh se ekonomia dhe qytetarët e Bosnje Hercegovinës përfitojnë nga nisma Ballkani i Hapur.
“Bosnje Hercegovina nuk ka konsensus për projektin e Ballkanit të Hapur. Nuk ka përgjigje serioze pse, nuk ka asnjë përgjigje negative. Është thjesht heshtje.
Sipas meje, shkaqet janë një pjesë e paragjykimeve nga e kaluara. Kush është propozues dhe kush përfiton.
Ka pasur edhe ndikime politike, që vlerësojnë se ajo do të ishte një mossukses
Në BH ka ndikim nga ana e individëve, ambasadave të ndryshme.
Unë jam këtu sepse e di që i gjithë komuniteti i biznesit e mbështet Ballkanin e Hapur. Për mua është parakusht për zhvillimin shoqëror. Këtu jam, sepse e di se shumica e qytetarëve të Bosnje Hercegovinës e mbështesin këtë projekt”, tha Zoran Tageltija