Hulumtimet kanë dëshmuar që çokollata e zeze mund të reduktojë rrezikun nga shumë sëmundje të ndryshme, duke përfshirë sëmundjet e zemrës, sulmin në zemër dhe tru.
Çokollata rregullon nivelin e kolesterolit, ndërsa një studim ka treguar që është efikase edhe në rregullimin e shtypjes së gjakut. Megjithatë, jo çdo çokollatë është e shëndetshme. Konsumoni çokollatë të zezë, e cila përmban të paktën 70 për qind kakao. Po ashtu, e rëndësishme është që çokollatën ta konsumoni në sasi të moderuara për të mos i bërë keq shëndetit tuaj.
Ekspertët theksojnë që të gjithë personat që janë të ndjeshëm në kafeinë duhet ta shmangin çokollatën. Kafeina mund të shkaktojë probleme me gjumin, ankth, dhimbje në stomak dhe therje në trup.
Nëse jeni të prirë për të pasur gurë në veshka, çokollatën shmangeni, përmban acidin oksalik dhe kështu rrit rrezikun e krijimit të gurëve në veshka.