Viti i Ri 2021 duket se nuk ka nisur mirë për një familje në Tiranë pasi banesa e tyre është përfshirë nga flakët.
Në njoftimin e policisë thuhet se ngjarja ka ndodhur rreth orës 14:31 në rrugën “Naim Frashëri”, ndërsa si pasojë e tymit, janë asfiksuar duke shfaqur probleme me frymëmarrjen burrë e grua, M.H dhe L.H. Këta të fundit ndodhen në spital jashtë rrezikut për jetën.
Njoftimi i policisë Tiranë
Më datë 01.01.2021, rreth orës 14:31 në rrugën “Naim Frashëri”, ka rënë zjarr në banesën e shtetasit M.H. Si pasojë janë asfiksuar nga tymi duke shfaqur probleme me frymëmarrjen shtetasi M.H dhe bashkëshortja e tij L.H.,të cilët u dërguan në spital për ndihmë mjekësore, jashtë rrezikut për jetën.Grupi hetimor dhe sherbimet e Policisë ndodhen në vendngjarje dhe vijojnë punën për zbardhjen e rrethanave të ngjarjes.