Mbrëmjen e sotme një aksident i rëndë ka ndodhur në rrugën nacionale Berat-Ura Vajgurore në vendin e quajtur “Kthesa e Lapardhasë”.
Mësohet se dy makina janë përfshirë në aksident ku një Ford me targa AA 649 FC, si dhe një Benz me targa janë AA 279 EF, janë përplasur më njëri-tjetrin dhe kanë përfunduar në kanal.
Nga përplasja është plagosur rëndë drejtuesi 30-vjeçar i mjetit tip Ford.
Sipas informacioneve paraprake mësohet se shkak për aksidentin është bërë drejtuesi i Benzit, një 51 vjeçar identiteti i të cilit nuk bëhet me dije, i cili po drejtonte mjetin në gjendje të dehur.
51-vjeçari e ka goditur mjetin me të cilin udhëtonte i riu nga mbrapa, duke e hedhur në kanal.
Policia dhe grupi hetimor ndodhen në vendngjarje dhe po punojnë për zbardhjen e plotë të saj.