Gjashtë shqiptarë kanë dalë para një gjykate në Uells të Mbretërisë e Bashkuar, pas zbulimit të një ferme kanabisi në Rhyl. Sipas mediave vendase, të pandehurit dolën para gjykatës së Llandudno një ditë më parë.
Akuzat ndaj tyre u ngritën pasi policia vizitoi të mërkurën një pronë në qendër të Rhyl, aty ku zbuloi dhe aktivitetin kriminal. Prokurorja Diane Williams tha se të 6 personat në fjalë dyshohet se merreshin me prodhimin e kanabisit.
Të pandehurit janë Robert R., 45 vjeç, Izmir D., 31 vjeç, Zhejson C., 21 vjeç, Klodian D., 38 vjeç, dhe Amarildo L., 30 vjeç, të gjithë pa një adresë fikse, si dhe Franci H., 25 vjeç i cili jetonte Birmingham. Shqiptarët pritet që të dalin për seancën e parë dëgjimore para gjykatës më datë 19 Gusht. Deri atëherë ata do të qëndrojnë në paraburgim./