Këtë të martë përmbyllet cikli i provimeve të Maturës Shtetërore, i cili nisi më 2 qershor me testin e Gjuhës së Huaj. Më 9 qershor, maturantët iu nënshtruan provimit të Gjuhës Shqipe dhe Letërsisë, ndërsa më 16 qershor zhvilluan provimin e Matematikës. Sot ata përfundojnë këtë proces me provimin e lëndëve me zgjedhje.
Ministrja e Arsimit, Mirela Kumbaro, ka bërë të ditur se 29 nxënës janë përjashtuar gjatë tre provimeve të para për shkak të shkeljes së rregullores së Maturës Shtetërore.
Rezultatet e këtyre provimeve do të kenë një rol vendimtar në përllogaritjen e pikëve për aplikimin në universitete dhe në përzgjedhjen e programeve të studimit për vitin e ardhshëm akademik.
Pas shpalljes së rezultateve, maturantët do të vijojnë me procedurat e aplikimit në universitet, duke shënuar një hap të rëndësishëm drejt arsimit të lartë dhe nisjes së karrierës së tyre profesionale.