Këshilli i Lartë i Prokurorisë ka zgjedhur sot Arben Krajën si kryetar të Strukturës së Posaçme Antikorrupsion dhe Anti-Krim i Organizuar, SPAK mes tre kandidatëve që janë betuar sot para Presidentit si anëtarë të kësaj prokurorie.
Kraja ka marë 6 votat e nevojshme, e ndërsa kandidatët e tjerë, përkatësisht Altin Dumani ka marrë 4 vota e ndërsa Edvin kondilli vetëm një, atë të kreut të KLP-së, Gent Ibrahimi.
8 anëtarët e këtij institucioni u betuan këtë të enjte para Presidentit Ilir Meta.
Me ngritjen e SPAK janë shkrirë automatikisht Gjykata e Krimeve të Rënda dhe Prokuroria e Krimeve të Rënda pas 15 vitesh nga krijimi i tyre, e ndërsa gjithashtu ndryshon edhe roli i Këshillit të Lartë të Prokurorisë.