Pedagogu i Universitetit të Elbasanit, Denis Himçi, që kërkonte favore seksuale në këmbim të notës, ka përfunduar në spital për shkak të gjendjes shëndetësore.
Mësohet se ai është shtruar që mbrëmjen e së mërkurës, 18 shtator, në një spital në Tiranë.
Siç bëhet me dije, pedagogu ka pasur tension të lartë dhe po kryen vizitat përkatëse.
36-vjeçari, pedagog pranë Fakultetit Ekonomik, u ndalua nga policia me akuzën se ka kërkuar favore seksuale nga një studente në këmbim të notës kaluese në provim.
Ai akuzohet për veprat penale “Ushtrimi i ndikimit të paligjshëm ” dhe “Korrupsioni pasiv i personave që ushtrojnë funksione publike”.