Një aksident i rëndë ka ndodhur në autostradën Levan-Tepelenë.
Raportohet se të paktën 2 persona kanë humbur jetën, ndërsa pesë të tjerë mendohet të jenë plagosur, në një aksident të shumëfishtë, ku janë përfshirë dy makina dhe një motor.
Ende nuk dihen shkaqet e këtij aksidenti tragjik, por mësohet se policia dhe ambulanca kanë shkuar në vendngjarje dhe po punojnë për zbardhjen e plotë të saj.
Trupat e viktimave dhe të plagosurve janë transportuar për në spitalin e Fierit, ndërsa policia ka shoqëruar shoferin e automjetit që shkaktoi aksidentin.