Kryebashkiaku i Shijakut ka folur mbi përgjimet e publikuara nga “Bild”, ku një prej tyre është një telefonatë e Astrit Avdylajt me të. Ardian Kokomani thotë se nuk ka shkuar në atë takim që është përmendur në përgjim dhe se si kryetar bashkie ka komunikim me çdo person.
“Nuk jam njeriu që jam faktor, unë isha kryetar bashkie që kreu funksionin si kryetar bashkie”, tha ai në një lidhje telefonike me RTV Ora News.
Lexo edhe- Përgjimi nr.4/ Avdylaj me kreun e bashkisë së Shijakut, Ardian Kokomani
Ai shtoi se nuk ka shkuar në atë takim, edhe pse kur bëhet fjalë për takime që vijnë nga drejtuesi i qarkut dhe deputeti i zonës si kryetar bashkie duhet të shkojë. Kokomani thotë se në asnjë moment nuk është thirrur në Prokurori.
“Absolutisht nuk ka një orë që e kam marrë vesh nga televizori dhe ish kryetar bashkie 4 vite në këtë dosje kaq të madhe siç po fryhet dhe kryetari i bashkisë së Shijakut që është këtu ka lidhje me gjithë këtë komunitet dhe një telefonatë e tillë nuk është asgjë”, ka vijuar Kokomani.
I pyetur pse nuk rikandidoi për kryetar bashkie përgjigja e tij ishte kjo: “Po ju arsyet akoma se gjetët, një arsye mund të ishte dhe kjo. Unë s’kam lidhje me asnjë njeri”.
