Gjermania Bild ka postuar pesë audiopërgjime të dosjes së Avdylajve ku në një prej tyre Astrit Avdylaj komunikon në telefon me kreun e PS-së së Shijakut, Elton Arbana. Përgjimi mban datën 31 mars 2017.
Me një ton zëri të irrituar Avdylaj i telefonon Arbanës dhe i thotë se Inspektorët e INUK po i vënë gjoba disa personave në Sukth dhe se ai nuk po lidhet dot me Gjushin për ti kërkuar ta ndalojë këtë pasi Dako është me Ramën në Zvicër.
Kur Arbana i thotë se nuk ka autoritetin pasi është larguar nga pozicioni i tij në INUK, Avdylaj i kërkon të telefonojë inspektorët të tërheqin gjobën dhe t’i qortojë në të kundërt do e bëj vetë këtë. Në fund kreu i PS-së SHijak bie dakord me Avdylajn duke i thënë se do e zgjidhë ai “problemin”.
PëRGJIMI NR. 3
Arbana: Astrit?
Avdylaj: Si je?
Arbana: ça bëre? Si kalove?
Avdylaj: Mirë, si je ti?
Arbana: Hajt mo mirë, ti ça bëre si ke qenë?
Avdylaj: Hajt mo të themi mirë. Ti mirë?
Arbana: Hajt mo mirë. Ja po luaj letra me çunat
Avdylaj: A e di ça kisha unë?
Arbana: Urdhëro!
Avdylaj: A e njef atë të INUK ti, atë drejtorin atje?
Arbana: E njof mo, Dallëndyshe
Avdylaj: Lëre Dallëndyshen, po flas për këtë në Durrës, ky që është në Durrës, Artur….
Arbana: Artur Çela, i bashkisë
Avdylaj: E
Arbana: Po e njof
Avdylaj: I kujt bashkie është ai, i Shijakut?
Arbana: Jo Jo i Durrësit, i Vangjushit
Avdylaj: Po Vangjushi nuk është këtu, është me Edin, ti e di vëlla. Telefoni vlla. Telefoni dhe thuaji ti bir kurve shkove atje dhe i vendose gjobë Fermës sot, rreth 5 milionë lekë vlla. SHiko tani, se Vangjushi nuk është këtu….
Arbana: Mua më kanë hequr ka katër ditë. Do që ta marr në telefon, kë të marr?
Avdylaj: Ai që ka shkuar në Fermë të Sukthit që vendosi gjoba. Po Gjushi nuk është këtu është me Ramën në Zvicër, e kupton ça dua të them?
Arbana: Mirë, po ke ndonjë emër konkret? Ke ndonjë emër apo jo?
Avdylaj: Kujt konkret?
Arbana: Atij që i ka vënë, që ti them ta gjej këtë person.
Avdylaj: Ore i thuj atij që ka vënë gjoba, që i vunë në Fermë, thoji që ka bërë gabim. Të tërheqë gjobat, dhe thuji të mos vërë gjoba. Se Gjushi nuk është këtu …, më kupton?
Arbana: Ja ta marr tashi direkt.
Avdylaj: Je duke bërë gabim, o pis thuj. Se s’dua ta marr vetë në telefon.
Arbana: E marr unë, e marr unë po e dije ti që mua para një jave më hoqën?
Avdylaj: Po nuk e di o vlla. Kush, kur, si?
Arbana: Po ata më hoqen se unë isha te INUK aty, ndërhyra për këto gjëra pastaj, e di?
Avdylaj: Unë nuk e di po thuaji këtij që ka bërë një gabim që shkoi në Fermë, dhe thuaji që Vangjushi nuk është sot këtu. Ai është me Edi Ramën në Zvicër…
Arbana: Po e marr tashi direkt.
Avdylaj: Mirë o vlla faleminderit
Arbana: Hajde çiao