Përkeqësimi i motit ka sjell ndalimin e lundrimeve në Portin e Durrësit drejt Barit dhe anasjelltas.
Ky njoftim është bërë me dije nga Autroriteti Portal i Durrësit, ndërsa në varësi të kushteve të motit, pritet që lundrimet të nisin ditën e nesërme.
“Njoftojmë të gjithë pasagjerët që kanë rezervuar lundrimin mbrëmjen e sotme nga Porti i Durrësit drejt Barit, se për shkak të motit nuk do të ketë lundrime mbrëmjen e sotme, as nga Durrësi drejt Barit, as anasjelltas.
Lundrimet pritet të rifillojnë ditën e nesërme, dt.26.11.2021, në varësi të kushteve të motit. Kompanitë e lundrimit do të garantojnë njoftimin dhe rimbursimin e biletës sipas kërkesave të udhëtarëve”, thuhet ndër të tjera në njoftim.