Moti i keq ka përfshirë Italinë. Autoritetet kanë ngritur alarmin e kuq në Emilia-Romagna për shkak të rrezikut të lartë. Rreth 900 njerëz u evakuuan në rajon.
Disa lumenj kanë dalë nga shtretërit dhe ujërat kanë pushtuar zonat e banuara dhe tokat bujqësore. Linja hekurudhore Bologna-Rimini u pezullua për disa orë, por hekurudhat kane probleme e bllokime të herëpashershme edhe në zona të tjera.
Shqetësime ka edhe në zonën e Modenas ku lumenjtë Secchia dhe Panaro kanë dalë nga shtrati. Rrëshqitje të dheut dhe përmbytje raportohen edhe në shumë zona të Bolonjës.