Të paktën 21 persona kanë vdekur dhe disa të tjerë janë zhdukur në Gjermani pasi një përmbytje e madhe i ktheu rrugët në përrenj të furishëm, duke spostuar makinat dhe duke shkaktuar shembjen e ndërtesave.

Sipas mediave gjermane, policia në qytetin perëndimor të Koblenz tha se njëzet persona kishin vdekur në qarkun Ahrëeiler pasi disa shtëpi u shembën, me rreth 50 persona të bllokuar në çati duke pritur shpëtimin. Gjashtë shtëpi u shembën brenda natës në fshatin Schuld, ku shumë njerëz janë raportuar të zhdukur.

Autoritetet kanë shpallur një emergjencë në rajon pas disa ditësh shiu të madh. Pjesë të mëdha të Gjermanisë perëndimore dhe qendrore, si dhe vendet fqinje, kanë përjetuar dëme të shumta. Policia tha se një 82-vjeçar vdiq pas një rënie në bodrumin e tij të përmbytur në qytetin perëndimor të Ëuppertal, i cili ishte ndër më të goditurit.

Një zjarrfikës u mbyt gjatë punës së shpëtimit në qytetin perëndimor të Altena, dhe një burrë tjetër është zhdukur në qytetin lindor të Joehstadt pasi u përpoq të siguronte pronën e tij nga rritja e ujërave, thanë autoritetet.

Në Eupen lindore, në kufirin gjerman, një burrë u raportua i vdekur pasi u mor nga një përrua. Në Liege, lumi Meuse mund të thyejë brigjet e tij deri në orët e pasdites dhe të derdhet në zemër të qytetit. Policia paralajmëroi banorët të marrin masa paraprake.