Shtatë automjete janë përfshirë në një aksident pasditen e kësaj të shtune në aksin Elbasan-Tiranë.
Mësohet se nga përplasja kanë mbetur të plagosur dy persona.
Të plagosurit janë dërguar në spital, por nuk dihen detaje në lidhje me gjendjen e tyre shëndetësore.
Mjetet kanë pësuar dëme të konsiderueshme materiale, ndërsa qarkullimi është bllokuar totalisht.
Policia dhe ambulanca ndodhen në vendin e ngjarjes.