Tërheqja e Elon Musk nga blerja e Twitterit ka shkaktuar një përplasje verbale të vazhdueshme midis tij dhe Donald Trump.
Miliarderi në një postim në Twitter tha se Donald Trump është shumë i vjetër për të kandiduar për Zyrën Ovale në 2024, pasi një sondazh tregon se ish-presidenti po humbet mbështetjen mes votuesve republikanë.
“Unë nuk e urrej njeriun, por është koha që Trump të mbyllë kapitullin e tij dhe të vështrojë perëndim e diellit,” shkroi Musk në Twitter të hënën vonë, duke përdorur të njëjtën platformë të mediave sociale që ai fillimisht u përpoq të blinte dhe tani po përpiqet të largohet.
Tweet-i i biznesmenit miliarder erdhi pasi Trump, në një paraqitje publike në Alaskë fundjavën e kaluar, e quajti Musk një ‘Gënjeshtar’për shitjen në Twitter.
Trump do të ishte 78 vjeç kur të mbahen zgjedhjet presidenciale të vitit 2024. Nëse ai injoron sugjerimin e Musk për ta mbyllur atë dhe fiton, Trump do të ishte 82 vjeç në fund të mandatit të tij të dytë presidencial.
Musk të premten paraqiti njoftim për të tërhequr ofertën e tij prej 44 miliardë dollarësh për të blerë Twitter, pasi kompania ra dakord në fund të prillit për t’ia shitur atij. Ai argumentoi se platforma kishte dështuar të jepte informacionin e premtuar për llogaritë e rreme dhe të padëshiruara, megjithëse shumë vëzhgues kanë vërejtur se stoqet e teknologjisë kanë rënë së fundmi, duke e bërë çmimin e shitjes të duket shumë më i lartë.