Ende pa nisur ndeshja mes Tiranës dhe Besiktasit, tifozët e Beskitasit hodhën flakadanë në drejtim të atyre të Tiranës gjë që u shoqërua me tensione të shumta. Forca të shumta policore ndërhynë dhe shtuan sigurinë në fushë ndërsa arbitërit u detyruan të tërheqin për 14 minuta lojtarët.
Pas këtyre momenteve ku po punohej për t’u qetësuar situata, ndeshja nisi.
Dueli mes Tiranës e Besiktasit vlen për ndeshjen e kthimit në turin e dytë kualifikues të Conference League, teksa përballja e një jave më parë në Turqi foli për vendasit 3-1.
Nënkampionët e Shqipërisë kanë një detyrë të vështirë për të dërguar ndeshjen me shtesë, teksa në stadium do kenë përkrahjen e më shumë se 10 mijë tifozëve. Trajneri durrsak duket se do luajë më i kujdesur në këtë sfidë, duke projektuar një ekip me pesë në mbrojtje.
Me Dokën që mungon për shkak dëmtimi, Haxhiu do jetë në fashën e djathtë. Najdovski, Lulaj, Hoxhallari dhe Përgjoni plotësojnë prapavijën, me portën që mbrohet nga Selmani.
Mesi i fushës ka balotazh mes Lushkjës dhe Deliut, teksa Hila dhe Jonuzi duket se kanë një fanellë titullari. Në sulm pritet të jenë Hasani dhe Kaina. Kjo skemë lë në stol dy yjet e fazës së avancuar, Latifin dhe Abazajn.
Formacioni i mundshëm:
Tirana (5-3-2): Selmani; Haxhiu, Najdovski, Lulaj, Hoxhallari, Përgjoni; Jonuzi, Hila, Lushkja (Deliu); Hasani, Kaina Trajner: Orges Shehi
<div style=”width:100%;height:0px;position:relative;padding-bottom:56.250%;”><iframe src=”https://streamable.com/e/93z5bb” frameborder=”0″ width=”100%” height=”100%” allowfullscreen style=”width:100%;height:100%;position:absolute;left:0px;top:0px;overflow:hidden;”></iframe></div>