Kryeministri Edi Rama, ndërsa ka komentuar përplasjen e deklaratat e Ilir Meta ndaj ambasadores Yuri Kim, tha se Presidenti është një i “dehur” dhe i dalë jashtë binarëve”. Në “Open” Rama tha se Meta është një fatkeqësi e madhe për vendin.
“Dinjiteti i vendit është bërë zhele nga një president zhele. E pakonceptueshme që për një vend si Shqipëria, vendi i NATO-së, një vend që është vend kandidat për BE dhe që ka marrë dritën jeshile për çeljen e negociatave, të dëgjosh një të dehur komplet, totalisht që fatkeqësisht është Presidenti i Shqipërisë. Problemi nuk është ça thotë sot, por ça Shqipërie duan shqiptarët të nesërmen. Të komentosh një njeri që është komplet jashtë binarëve dhe që është një fatkeqësi e madhe shumë për të gjithë ne se Shqipëria është pa President sot, është hedhur nga dritarja dhe gjendet mes luftës politike si një agjitator i ekstremeve të paimagjinueshme. TË arrihet të flitet si një kalama kastravec, kastravec se kalamajtë janë më të përmbajtur, t’i thuash ambasadores boll mbrojte Edi Ramën, nuk e di unë si u katandis kjo punë kështu”, tha Rama.