Shtatë ushtarë të Azerbajxhanit, përfhishirë një general dhe katër ushtarë të Armenisë janë vrarë ditën e djeshme gjatë një përleshje kufitare.
Të dy vendet ishin pjesë e Bashkimit Sovjetik deri në prishjen e tij në vitet 1990. Asokohe ata bënë një luftë të përgjakshme mbi një territor malor dhe mosmarrveshja mes tyre mbetet ende e pazgjidhur. Në total, 16 njerëz janë vrarë prej se ka nisur shkëmbimi i zjarrit në pjesën veriore të kufirit.
Dy vendet kanë qenë në konflikt për rajonin e shkëputur të Azerbajxhanit, Nagorno Karabak, për vite me radhë. Të dy palët akuzojnë njëra-tjetrën për granatimin e zonave civile në kufi. Por, përplasjet e fundit janë larg Nagorno Karabakut dhe direkt midis dy vendeve gjë që ndodh rrallë.
Presidenti i Azebajxhanit, Ilham Aliyev, tha se “udhëheqja politike dhe ushtarake e Armenisë do ta mbajë gjithë përgjegjësinë për provokimin”.
Kryeministri armen, Nikol Pashianin, e akuzoi Azerbajxhanin për “provokime” dhe tha se ato nuk do të kalojnë pa përgjigje. Ndëkohë Kombet e Bashkuara, Bashkimi Evropian, Shtetet e Bashkuara dhe Rusia kanë bërë thirrje për përmbajtje. Dmitry Peskov, zëdhënësi i Presidentit rus Vladimir Putin, tha se Rusia ishte “thellësisht e shqetësuar” për shpërthimin e dhunës dhe ishte e gatshme të ndërmjetësonte.
Ne i nxisim të dy palët të tregojnë përmbajtje dhe të zbatojnë detyrimet e tyre nën armëpushimin.“- tha ai. “Një deklaratë e departamentit të shtetit të SHBA tha se vendi “dënon dhunën përgjatë kufirit ndërkombëtar Armeni-Azerbajxhan dhe u bën thirrje të dy palëve të ndalojnë luftimet dhe t’i përmbahen armëpushimit.” Thuhet ne deklaratën e SHBA-së.
Nagorno Karabaku, i banuar me shumicë armene, ka shpallur pavarësinë nga Azerbajxhani në mes të luftës së viteve 1988-1994, e cila ka marrë mbi 30,000 jetë njerëzish.
Që nga viti 1994, ai është nën kontrollon e forcave etnike armene, që Azerbajxhani thotë se përfshijnë trupat e furnizuara nga Armenia. Pretendimi i rajonit për pavarësi nuk është njohur nga asnjë vend.