Personat që shihni në foton e mëposhtme janë Everest Çaka, i cili mbeti i vrarë sonte në Elbasan dhe bashkëshortja e tij, Silvana Çaka, që u plagos në krah.
41-vjeçari mbeti i vrarë me armë zjarri mbrëmjen e kësaj të marte në Elbasan, gjatë kohës që udhëtonte me makinë me bashkëshorten e tij. Ngjarja e rëndë ndodhi rreth orës 20:10, në lagjen “Skënderbej”, në rrethana ende të paqarta.
Forca të shumta policie shkuan menjëherë në vendin e ngjarjes dhe kanë ngritur pika kontrolli në hyrje-daljet e qytetit të Elbasanit.
Shkaqet dhe rrethanat e plota të kësaj ngjarjeje të rëndë nuk dihen ende. E rëndësishme pritet të jetë dëshmia e gruas, e cila ndodhej në makinë kur 41-vjeçari u vra në sytë e saj.
Përplasja mes dy grupeve kriminale të “Tarzanit” dhe “Sakatit”?
Everest Çaka, është djali i tezes së kunatit të Erjon Alibej, i arrestuar pak muaj më parë nga prokuroria e Elbasanit, si porositësi i vrasjes së “Ilit” të Elbasanit i njohur ndryshe si Emiljano Ramazani dhe Regis Runaj.
Vrasja dyshohet se lidhet me serinë e hasmërive mes dy grupeve kriminale në qytetin e Elbasanit, atij të “Tarzanit” dhe “Sakatit”.
Në nëntor të vitit 2020 u vra në Molembek të Belgjikës, Arjan Spahiu.