E diela në “Trotuar” solli një moment tensioni mes Bledi Manes dhe Xhenetës. Ndërsa të ftuarit aluduan për një afrimitet mes Xhenetës dhe Fation Kuqarit, Bledi nuk nguroi ta ngacmonte publikisht. Megjithatë, Xheneta sqaroi se mes tyre ekziston vetëm një marrëdhënie miqësore, pavarësisht se shpesh janë parë bashkë në ambientet e Top-it dhe kafenetë përreth.
Humori dhe ngacmimet mes të ftuarve vijuan, por situata u përshkallëzua kur Bledi, pas një batute me Nevinën, iu drejtua Xhenetës me një pyetje provokuese:
“Ku ke fjetur dje?”
Xheneta reagoi menjëherë, duke e cilësuar komentin e Bledit të tepruar dhe duke vendosur të largohej nga studio, duke i thënë:
“Mbylle gojën dhe mos e tepro!”
Bledi tentoi të vijonte me batuta, duke i thënë Xhenetës se mund të jetë mësuar me “lepurushat e Prishtinës”, por përgjigjja e saj nuk vonoi:
“Ti je edhe më lepurush se ata!”
Pavarësisht tensionit, atmosfera në studio u përpoq të rikthehej në normalitet pas largimit të Xhenetës.