Emergjencat e prefekturës në Lezhë kanë publikuar përditësimin e fundit në lidhje me sutuatën në Lezhë. Sipas përditësimit sasia e reshjeve deri tani është 160 mm, ndërsa mësohet se është evakuuar një familje në fshatin Mabë.
Në njësinë Administrative Blinisht ka patur dalje nga shtrati nga ana lindore të kanalit të ujërave të larta të Zadrimës në fshatin Krajnë dhe Fishtë, ku në këtë të fundit është rrezikuar një shtëpi.
Njoftimi i plotë:
Gjatë natës dhe gjatë gjithë ditës kemi pasur shi me intensitet të lartë, ku sasia e reshjeve deri tani është 160 mm, raporton Stacioni Metereologjik i FA, Gjader. Në Njësinë Administrative Dajç, si rezultat ka patur përmbytje në fshatrat Kotërr e Dajç, ku pas ndërhyrjes me mjetet e Bashkisë, gjendja është normalizuar. Në orët e fundit eshte evakuar nga forcat e policise se Lezhes një familje në fshatin Mabë.
Në këtë njësi Administrative kemi sipërfaqe të konsiderueshme të tokave bujqësore të përmbytura.
Në njësinë Administrative Balldren, ka probleme në fushën e Torovicës, pasi niveli i pompave thithëse të hidrovorit është më lart se niveli i fundit të kanalit, e për pasojë janë nën uji rreth 500 ha tokë bujqësore.
Në Fshatin Kakarriq, ka prezencë të ujit në dy shtëpi, pasi hidrovori i Gocajve ka punuar me ndërprerje. Si pasojë ka sipërfaqe toke bujqësore të përmbytur në fshatrat Kakarriq, Gocaj e Balldren.
Në njësinë Administrative Blinisht ka patur dalje nga shtrati nga ana lindore të kanalit të ujërave të larta të Zadrimës në fshatin Krajnë dhe Fishtë, ku në këtë të fundit është rrezikuar një shtëpi.
Nga dalja jashtë shtratit të një përroi në fshatin Krajnë ka pasur dëmtim të urës që lidh lagjen “Tertaj” me fshatin. Në këtë zonë ka sipërfaqe të konsiderueshme të tokave bujqësore të përmbytura.
Aktualisht lumi Drin ka rënë në kuotën +1.1 m nga +1,6 m që arriti sot (kuota kritike + 2.0 m, te ura e Lezhës. Ka kuota të larta në lumin Gjadër tek ura në fshatin Gjadër. Siperfaqe toke të permbytura ka edhe Njësitë Administrative Blinisht Dajç.
Në fushën e Torovicës po shtohen sipërfaqe të përmbytura nga reshjet pa ndërpreje.