Përvjetori i vdekjes së Kacifas/ Policia “blindon” jugun, 1800 njerëz kanë hyrë në 2 ditë në kufi

Rreth 1800 persona do të marrin pjesë në përvjetorin e parë të vdekjes së ekstremistit Kostandinos Kacifas.

News 24 raporton se vetëm 500 grekë kanë hyrë ditën e sotme pas orës 12 të natës. Ndërkohë dy persona të shpallur “non grata’ në Shqipëri janë kthyer mbrapsht ndërsa të tjetrë për mungesë garancie ose janë tërhequr vetë.

Ndërkaq, policia ka blinduar jugun dhe kryesisht zonën kufitare për të parandaluar ndonjë incident të mundshëm.

Lexo edhe- Emrat / Këta janë dy policët shqiptarë që guxuan dhe ndaluan ekstremistin grek Babis Karathano të hynte në kufi

Kacifas u vra një vit më parë nga forcat RENEA, pas një përplasje me armë në fshatin Bularat. Gjatë festimeve për festën kombëtare të Greqisë, Kacifas qëlloi me armë në ajër dhe pasi pa që po afrohej patrulla e policisë, hapi zjarr dhe ndaj makinës së tyre. Pas disa orëve zjarr, policia arriti të qëllonte mbi 35-vjeçarin që rrezikoi jetët efektivëve.