Shqipëria është penalizuar si pasojë e dopingut në peshëngritje, por këtë herë si për ironi të fatit fiton një medalje falë tij. Zyrtarisht, Erkand Qerimaj shpallet fitues i medaljes së bronztë në stilin e shkëputjes në Botërorin e vitin 2018 që u zhvillua në SHBA, pasi rivali i tij doli pozitiv edhe ne testin B. Ka qenë vetë peshëngritësi shkodran i cili me anë të një statusi në faqen e tij zyrtare në Facebook ka bërë publik këtë lajm:
Qerimaj garoi në atë Botëror në peshën deri në 77 kg dhe në stilin e shkëputjes arriti të mbante lart 155 kg, peshë e cila i ka dhënë tashmë zyrtarisht medalje bronzi.
Në një status në profilin e tij në Facebook, sportisti shkodran shprehu lumturinë për fitimin e medaljes dhe se ai tashmë është i treti në botë në stilin e shkëputjes.