Nënkryetari i LSI-së, Petrit Vasili ka reaguar ndaj qëndrimeve të shefes së Infektivit, Najada Çobo, e cila foli dje për herë të parë për situatën e krijuar në vend nga COVID-19. Por Petrit Vasili nuk ka kursyer ofendimet, teksa e ka quajtur si ‘profesioniste langaraqe’, qe sipas tij, po fajëson popullin për pandeminë. Ndërkohë që për ish-deputetin e LSI-së, profesionistët nuk kanë kurajo t’ia thonin në sy kryeministrit kur dhunoi çdo rregull të pandemisë, apo sipas tij kur shembi Teatrin Kombëtar.
“Profesioniste langaraqe! Turp për profesionistet langaraqe, që fajësojnë popullin për pandeminë.
Turp për profesionistët langaraqë që s’jua mban t’i thonë të vërtetën në sy kryeministrit që dhunoi gjithçka dhe çdo rregull të pandemisë. Turp për profesionistët langaraqë që mbyllën gojën kur Kryeministri me mijëra policë dhunoi çdo rregull dhe shembi teatrin. Lexojini ç’ka thënë kryeministri mor langaraqë dhe trimërohuni një sekondë të vetme në emër të profesionit dhe humanizmit ndaj njerëzve dhe tregojini vendin sharlatanit”- shkruan Vasili.