Në Asamblenë e Zgjeruar të Partisë Socialiste në Tiranë, Edi Rama u ndal edhe te pezullimi i ligjit për studentët e mjekësisë nga Gjykata Kushtetuese, ligj i cili i ndalon studentët të ikin jashtë vendit pa mbushur 5 vite të qëndrimit në Shqipëri. Kryeministri e ka quajtur absurd këtë vendim.
“Pezullimi që i bëri gjykata kushtetuese kërkesës absurde për ta hedhur poshtë këtë gjë është absurd. Është absurd. Po e diskutoj thjesht sepse është pezullim. Shkolla e magjistraturës e ka kusht që mund të hysh në shkollë por s’e merr dot diplomën po nuk punove 5 vjet si magjsitrat. Ajo është një nga shkollat më të mira të Shqipërisë dhe shpresoj të mos prishet tani me këtë fluksin në rritje”, tha Rama.
“Do të ikësh sa të marrësh diplomën dhe të shërosh Gjermanët, do paguash një tarifë tjetër, ajo që kushton dhe më pas ik. Po e deshe me një tarifë simbolike do të qëndrosh këtu. 5 është për ata që janë në vit të parë këto që i ka gjetur rrugës e kanë dy vjet, tre vjet, katër vjet, dmth as dy vite nuk pranojnë të qëndrojnë”, shtoi shefi i qeverisë.